الجمعة، 21 سبتمبر، 2012

بحر الزمان وتنمية الانسان








الموضة ركوب الموجة, ولكن هل في ركوب الموضة?

أكيد هناك ركوب للموضة من الموجة!!! الجديد ايه?

طب خلينا نتكلم بصراحة لحقت ولا فاتت عليك ومستني الموجة الي جاية?

ولا شايف الموجة دي مش اللي هي?

بتفكر في ايه كنت بتقول زمان لنفسك مليش في الموضة ولا قلت مليش في الموجة?

ودلوقت انت فين منها ! مهي لما بتيجي بتقلب ........... فياترى أنت الي فوق ولا!

في زمانا قالوا الانسان سلعة واجب الشغل عليها ..... قلنا امين وبقينا يا ناس عارفين

لكن الجديد يا بني آدمين _مخلوق ضعيف من طين _ بيفتح على نفسه آلام وأوجاع السنين

وخصوصا لما نعمل نسيين من ايه خلقنا ولفين راجعين لما تعجبنا النفوس وتلهينا الفلوس,

و"للحم أخواننا واكلين" مهي القصة اليومين دول بالبلدي زي ما بنقول "العجل لما يقع تكتر سكاكينه"!!

وياترى يا مسكين ياللي في أيدك السكين عارف باليوم الي فيه هتقع من أيدك وتترفع عليك؟ ولسه ماسكها؟

جايز عامل حسابك !
طب متشركنا في حساباتك يمكن زيك نتطاول ونعمل فيها ناصحين ومن الوعاظ الهاديين .

نورنا الله ينور عليك بحق مين يا سعادة البيك

تاخد منه وتنسب ليك!
تنزل منه وترفع فيك!
هل خلاص كل شيء أصبح ملك أيديك !

ولا مفيش قوي قادر عليك!

أوعدك هستغفر ربي ليا وليك,
لكن بحق الأخوة اللي ليا عليك طلبي منك واحد خالص لله الواحد
تلف في الكون لفة بعيون
عيون تكون مبصرة قادرة تشوف بجد أمجاد مش من صنع حد
وتعرفلي فين صنعك بعد كل السعي والرد والرفض.

فين الي كانوا راكبنها قبلك ؟
هل تفوقت عليهم ولا الكل هيهلك؟؟!!
تدبر شويه في الكون لعله يفكرك بمَن أمره بعد "الكاف والنون" رجائى يا موهوم بالظنون
في يوم ترجع لرب الكون وتفوق من دا الجنون
]جنون العظمة{

قال الرسول الكريم عليه من الله أفضل الصلاة والتسليم
"لما عرج بي مررت بقوم لهم أظفار من نحاس يخمشون وجوههم وصدورهم فقلت : يا جبريل من هؤلاء ؟ قال : هؤلاء الذين يأكلون لحوم الناس ويقعون في أعراضهم ."
الراوي: أنس بن مالك المحدث: ابن مفلح - المصدر: الآداب الشرعية - الصفحة أو الرقم: 1/31: صحيح

 -------------------
بقلم الاستاذ عبد العزيز العامرى
بحر الحياة 

1 التعليقات:

إرسال تعليق

العاب بيل

شارك

Twitter Delicious Facebook Digg Stumbleupon Favorites